+7 (777) 001 44 99
Қазақша
Русский
English
26 қаңтар 2021 11:21
Қолма-қол ақша Қазақстанның қай өңірлерінде көп қолданылады?
Тұрғындары қолма-қол ақша арқылы төлем жасайтын Қазақстан өңірлері белгілі болды. Алматы, Нұр-Сұлтан, Атырау облысы төлем карталарын пайдалану бойынша көш бастап тұр, - деп хабарлайды Tengrinews.kz тілшісі Ranking.kz басылымына сілтеме жасап.
ПОДЕЛИТЬСЯ
Тұрғындары қолма-қол ақша арқылы төлем жасайтын Қазақстан өңірлері белгілі болды. Алматы, Нұр-Сұлтан, Атырау облысы төлем карталарын пайдалану бойынша көш бастап тұр, - деп хабарлайды Tengrinews.kz тілшісі Ranking.kz басылымына сілтеме жасап.
Қазақстандық және шетелдік эмитент төлем карталарын пайдалана отырып, Қазақстан аумағында қолма – қол ақшасыз жасалған төлем көлемі 2020 жылғы қаңтар - қарашада 30 триллионға жуық теңгеге жетіп, бір жыл ішінде 2,6 есеге артқан. Бұл рекорд көрсеткіш. Бір жыл бұрын секторда - 2,4 есеге өсім байқалған.
2020 жылғы қаңтар-қарашада Қазақстан аумағында төлем карталары айналымнан қолма-қол ақшасыз төлемдердің үлесі 66,7 пайыз болды. Бір жыл бұрын бұл көрсеткіш 44,2 пайыз, ал бес жыл бұрын - тек 10 пайыздан асатын еді.
2020 жылғы қаңтар-қарашада Қазақстан аумағында қолма-қол ақшасыз транзакцияның орташа бағасы 12,2 мың теңге болды. Былтырғы көрсеткіш 11,4 мың теңге. Интернет және ұялы телефон арқылы қолма-қол ақшасыз транзакция сомасы бір жыл ішінде 15,6 мыңнан 17 мың теңгеге дейін өсті, ал POS-терминал арқылы-керісінше 5,3 мың теңгеге дейін қысқарды.
Қолма-қол ақшасыз төлем көлемінің өсуі Қазақстанның барлық өңірлерінде байқалды. Ең елеулі өзгеріс Түркістан облысы мен Шымкент қаласында тіркелген: 6,8 есе, 2,7 триллион теңгеге дейін.
Сондай-ақ, Жамбыл облысында - алты есе, 824,6 миллиард теңгеге дейін, Қызылорда облысында - 5,4 есе, 653,4 миллиард теңгеге дейін айтарлықтай өсім байқалды.
Төлем карталарын ең белсенді пайдаланушылары - Алматы тұрғындары. Онда картадан түсетін ақша үлесі 78,7 пайыз, одан кейін Нұр-Сұлтан (73 пайыз) және Атырау облысы (65,7 пайыз) тұрғындары.
Тек Қазақстанның екі аймағында тұрғындар қолма-қол ақшамен төлем жасап, төлем картасынан қолма-қол ақша алуды жөн санайды. Мәселен, Солтүстік Қазақстан облысында карта бойынша барлық айналымнан қолма-қол ақшасыз төлем үлесі бар болғаны 45,6 пайыз, Шығыс Қазақстан облысында - 47,9 пайыз.
Ақмола облысында төлем карталары қолма-қол ақшасыз төлем жасауға да, қолма-қол ақшаны алуға да бірдей дәрежеде қолданылады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
