Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Путиннің сөзінен кейін рубль бағамының қалыпқа келетін түрі бар

19 Желтоқсан 2014, 12:02
1
©РИА Новости
©РИА Новости

Ресей президенті Владимир Путиннің сөзінен кейін рубль бағамының қалпына келетін түрі бар, - деп хабарлайды Tengri FM радиосының ақпарат қызметі "Магута Қоры" компания активтерін басқарушы Платон Магутаға сілтеме жасап. Еске сала кетейік, 18 желтоқсанда Ресейде Владимир Путиннің жыл сайынғы баспасөз мәслихаты өтті. Ол рубль бағамын қалай тұрақтандыру керектігін атап өтіп, Ресейдегі дағдарысты сыртқы факторлармен байланыстырған болатын.

Сарапшының айтуынша, кешелі бері рубль бағамында нақты өзгеріс болған жоқ. "18 желтоқсан күнгі көрсеткіш бойынша рубльдің долларға бағамы 1,6 пайызға өсіп, бағам 61,15 рубльді құрады, сондай-ақ бағамның құбылуы 2,5 пайызға күрт тыйылды. Ең алдымен, ресейлік ақша Центробанк пен үкімет тарапынан жүргізілген көптеген батыл шараны қолдады. Сонымен қатар, Ресей банкі қаржы нарығының құралдары арқылы банк секторына банк өтемпаздығын ұсынатын құралдарды арттырды. Одан бөлек, РЕПО бағдарламасы аясындағы құрылымдары кеңейтілді. Рубль бағамын қолдаушы қосымша фактор бір баррелінің бағасы 63 доллардан жоғары көтерілген Brent маркалы мұнай болды", - деді Магута.

Сарапшының айтуынша, жақын күндері рубльдің 6-8 айдағы өсімі туралы қорытынды шығады. "Егер Центробанк пен үкімет батыл қадамдарға баратын болса, қаржы нарығы қалыпқа келуі мүмкін, алайда рубль бағамын қалпына келтіру мүмкін емес сияқты", - дейді сарапшы. Айта кетейік, 16 желтоқсанда рубльдің долларға шаққандағы бағамы тарихта тұңғыш рет 80-ге дейін өсті, ал евро бағасы 100 рубль болды. Валюта құны Центробанк негізгі мөлшерлемелерін 17 пайызға дейін арттырғаннан кейін құлдырай бастады. 


Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай