+7 (777) 001 44 99
Қазақша
Русский
English
Fitch Ratings халықаралық рейтинг жасау агенттігі 2015 жылғы 26 сәуірге белгіленген президенттік сайлауды өткізгеннен кейін теңге құнсыздануы мүмкін деп есептейді. Бұл туралы агенттіктің жарияланған шолуында айтылды, - деп хабарлайды "Қазақстан жаңалықтары".
"Біз президенттік сайлауды өткізгеннен кейін теңгенің ары қарай құнсыздануы мүмкін деп есептейміз. Ел басшысы бір ресейлік рублге 3,5-4,5 теңге дәлізін қолайлы деп атаған болатын, бұл 2014 жылдың соңындағы айырбастау бағамымен салыстырғанда 13% -тен 45% дейінгі долларға шаққандағы әлеуетті құнсыздануды болжайды", -делінген агенттіктің жасаған шолуында.
Бұған дейін ҚР Ұлттық банкінің төрағасы Қайрат Келімбетов егер мұнай бағасы төмендей берсе, теңгені ауыстыру бағамында бірқалыпты өзгеріс болатынын, алайда қазіргі таңда мұндай алғышарттардың жоқ екенін мәлімдеген болатын.
Еске салайық, осыған дейін Қазақстанда девальвация 2014 жылы болған еді. Сол уақытта теңгенің долларға қарағандағы бағамы 19 пайызға төмендеген болатын.
