+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
ҚР Ұлттық банкінің төрағасы Данияр Ақышев Парламент Сенатының кеңейтілген отырысында ақпанда нарықтағы интервенция көлемі қандай болғанын айтты, - деп хабарлайды Tengrinews.kz тілшісі.
ҚР Ұлттық банкінің төрағасы Данияр Ақышев Парламент Сенатының кеңейтілген отырысында ақпанда нарықтағы интервенция көлемі қандай болғанын айтты, - деп хабарлайды Tengrinews.kz тілшісі.
"Ақпанның соңында салық төлемі кезінде Ұлттық банк нарықта шетел валютасына сұраныстың көп болуынан валюта сатып алуға мәжбүр болды. 2016 жылы ақпанда Ұлттық банктің валюта сатып алу формасындағы интервенциясы 474 миллион долларға, яғни 2,4 миллиард доллар сауда көлемінің 20 пайызына тең болды. Яғни, Ұлттық банк валюта сатып ала отырып, алтын-валюта қорын толтырып алды. Болжам бойынша, 2016 жылдың ақпанында Ұлттық банктің алтын-валюта қоры 2,8 пайызға ұлғайып, 27,7 миллиард долларды құрады", - деді Ақышев.
Ол Ұлттық банктің айырбас бағамының еркін ауытқу саясатын ұстана беретінін жеткізді.
"Бір жағынан бұл алтын-валюта активтерін сақтауға, екінші жағынан отандық тауар өндірушілер арасындағы бәсекелестікті қолдауға көмектеседі. Айырбас бағамының еркін ауытқу шарттары кезінде сыртқы факторлардың, оның ішінде мұнай бағасы мен Ресей рубліне байланысты бағам күнделікті өзгеріп отырады. Сонымен қатар, ішкі факторлар да бұған әсер етеді. Дегенмен бұл саясат ішкі тұрақтылық сақталмаған кезде кенеттен девальвация болудан сақтайды. Яғни біз Ұлттық банктің бағамды бір деңгейде ұстап, жағдай өзгерген кезде кенеттен девальвация жасауға мәжбүр болу тәжірибесінен өтуді доғардық. Ұлттық банк бағамның кенеттен өзгеруінің алдын алу құқығымен валюта нарығына қатыса отырып, еркін айырбас бағамы саясатын ұстануды жалғастыруға ниетті", - деді Ұлттық банктің төрағасы.
