Бас прокуратурада жаңа тағайындаулар болды

Алмаз Мухаметжанов, Альбина Маутова. Фото: t.me/GenPr

Бас прокуратурада жаңа тағайындаулар болды, - деп хабарлайды Tengrinews.kz тілшісі.

Қазақстан Республикасы бас прокурорының бұйрығы бойынша, бас прокурор аппаратының басшысы қызметіне Мұхаметжанов Алмаз Оралұлы тағайындалды.

Алмаз Мұхаметжанов 1972 жылы дүниеге келген. Еңбек жолын 1994 жылы бастап, Қарағанды қаласы Совет ауданы прокурорының көмекшісі, прокуратураның тергеушісі, Қарағанды облысы прокуратурасының әлеуметтік-экономикалық саладағы заңдылықты қадағалау бөлімінің прокуроры қызметтерін атқарған.

Бас прокуратурада 1998 жылдан бастап жұмыс істеген, Астана қаласы бойынша ҚСАО басшысы, Бас прокуратураның Құқықтық статистика және арнайы есепке алу комитеті төрағасының орынбасары, Бас прокуратураның халықаралық қатынастар департаменті бастығының орынбасары, бас прокурор аппаратының ұйымдастыру – бақылау жұмысы бөлімінің бастығы қызметтерін атқарды. 2009 жылдың сәуірінен 2012 жылдың ақпанына дейін Әділет министрлігінің НҚА тіркеу Департаментінің директоры болып жұмыс істеген.

2012 жылдан бастап қазіргі таңға дейін Қазақстан Республикасы Бас прокуратурасының Нормашығармашылық қызметті үйлестіру басқармасының, сосын Департаментінің бастығы лауазымдарын атқарып келген. "Ерен еңбегі үшін" медалі және "Құрмет" орденімен марапатталған, прокуратура органдының құрметті қызметкері.

Бас прокуратураның Нормашығармашылық қызметті үйлестіру департаментінің бастығы болып 1976 жылы туған Альбина Тасболатқызы Маутова тағайындалды.

1997 жылы А.Байтұрсынов атындағы Қостанай мемлекеттік университетін бітіргеннен кейін, еңбек жолын жоғарыда аталған университетте оқытушы болып бастаған. Прокуратура органдарында 1998 жылдан бастап қызмет етеді. Ретімен Рудный қаласы прокурорының көмекшісі, аға көмекшісі, Бас прокуратураның жедел-іздестіру қызметінің заңдылығын қадағалау департаментінің прокуроры, аға прокуроры, Бас Прокурордың көмекшісі, аға көмекшісі қызметтерін атқарған.

2019 жылдың наурызынан бастап қазіргі уақытқа басқарма бастығының орынбасары, одан кейін 2020 жылдан бастап Бас прокуратураның Нормашығармашылық қызметті үйлестіру департаменті бастығының орынбасары лауазымдарын атқарған. "Жауынгерлік ерлігі үшін" медалімен марапатталған, прокуратура органдарының құрметті қызметкері.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Бас прокуратура Тағайындау