Елдос Сағиев Бас прокуратураның қылмыстық қудалау қызметі басшысы болды

Елдос Сағиев Қылмыстық қудалау қызметінің басшысы болып тағайындалды, - деп хабарлайды Tengrinews.kz тілшісі Бас прокуратура мәліметіне сілтеме жасап.

"Бас Прокурордың 2022 жылғы 2 тамыздағы бұйрығымен аға әділет кеңесшісі Сағиев Елдос Әлиханұлы Бас прокуратураның Қылмыстық қудалау қызметінің басшысы болып тағайындалды", - делінген хабарламада.

Сағиев еңбек жолын 2002 жылы Ақмола облысының прокуратура органдарында бастаған. Тергеу жұмысында тәжірибесі мол. Құқық қорғау органдарындағы еңбек өтілі - 18 жыл. Қарағанды, Қостанай облыстарының қаржы полициясы органдарында, сыбайлас жемқорлыққа қарсы қызметінде басшылық лауазымдарды атқарған.

Маңғыстау, Қостанай облыстары бойынша Сыбайлас жемқорлыққа қарсы іс-қимыл Ұлттық бюросының департаменттерін басқарды. Осы қызметке тағайындалғанға дейін Бас прокуратураның Арнайы прокурорлар қызметі бастығының орынбасары болған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!