+7 (777) 001 44 99
Қазақша
Русский
English
Қазақша
Русский
English
Асқарбек Ерсаев Еңбек және халықты әлеуметтік қорғау вице-министрі болды, - деп хабарлайды Tengrinews.kz тілшісі.
Асқарбек Ерсаев бұл қызметке тағайындалға дейін Қазақстан Республикасы Еңбек және халықты әлеуметтік қорғау министрлігінің Көші-қон комитетінің төрағасы қызметін атқарды.
"Қазақстан Республикасы Үкіметінің қаулысымен Асқарбек Маратұлы Ерсаев Еңбек және халықты әлеуметтік қорғау вице-министрі қызметіне тағайындалды", - делінген Үкіметтің баспасөз қызметінің хабарламасында.
Асқарбек Ерсаев 1977 жылы Ақтөбеде дүниеге келген. Жұбанов атындағы Ақтөбе мемлекеттік университетін, "Нұр" Ақтөбе менеджмент, Бизнес және құқық институтын бітірген.
Еңбек жолын 1997 жылы Ақтөбе облысы Мұғалжар ауданы әкімінің аппаратында маман болып бастаған.
2000-2014 жылдары банк секторында жұмыс істеді.
2014 жылы Экономика және бюджеттік жоспарлау министрлігі Сауда комитетінің бас сарапшысының міндетін атқарушы болды.
2014-2021 жылдары Ұлттық экономика министрлігінің бас сарапшысы, басқарма басшысы, департамент директорының орынбасары, департамент директоры қызметтерін атқарды.
2021-2022 жылдары - Президент Әкімшілігі Қауіпсіздік Кеңесінің Талдау бөлімінің сектор меңгерушісі.
2022-2023 жылдары - Қазақстан Үкіметі Аппаратының, Премьер-Министр Кеңсесінің экономикалық бөлімінің меңгерушісі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
