+7 (777) 001 44 99
Қазақша
Русский
English
Қазақша
Русский
English
Ербол Мырзабосынов Мәдениет және спорт министрлігі Cпорт және дене шынықтыру істері комитетінің төрағасы қызметіне тағайындалды, - деп хабарлайды Tengrinews.kz тілшісі үкімет сайтына сілтеме жасап.
"ҚР мәдениет және спорт министрінің бұйрығымен Ербол Қуантайұлы Мырзабосынов Қазақстан Республикасы Мәдениет және спорт министрлігі Cпорт және дене шынықтыру істері комитетінің төрағасы қызметіне тағайындалды", - делінген хабарламада.
Ербол Мырзабосынов 1984 жылы Шығыс Қазақстан облысында дүниеге келген. Семей мемлекеттік педагогикалық институтын, Қазақ гуманитарлық-заң инновациялық университетін, Қазақ спорт және туризм академиясын бітірген. Еңбек жолын 2005 жылы Семей мемлекеттік педагогикалық институты Дене шынықтыру және спорт теориясы мен әдістемесі кафедрасының ассистенті, жаттықтырушы-оқытушысы болып бастаған.
2009-2014 жылдары – Семей қаласының мемлекеттік педагогикалық институтының дене тәрбиесі кафедрасының оқытушысы; меңгерушісі.
2006-2018 жылдары – "Шығыс Қазақстан облыстық бұқаралық спорттағы жоғары спорт шеберлігі мектебі" КММ жаттықтырушы-оқытушысы.
2018-2020 жылдары "Қызылжар Арландары" спорт клубының директоры болып жұмыс істеген.
2020-2021 жылдары – "Qazaq kuresi" қауымдастығының басқарушы директоры.
2021 жылғы наурыз айынан бастап қазіргі уақытқа дейін Дене шынықтыру және бұқаралық спорт академиясының ректоры болған.
Бұрын осы қызметте болған Самат Серікқанұлы Ерғалиев жұмыстан босатылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
