+7 (777) 001 44 99
Қазақша
Русский
English
Қазақша
Русский
English
Ермек Кенжеханұлы ауыл шаруашылығы вице-министрі қызметіне тағайындалды, - деп хабарлайды Tengrinews.kz тілшісі.
"Қазақстан Республикасы Үкіметінің қаулысы бойынша, Ермек Кенжеханұлы ауыл шаруашылығы вице-министрі қызметіне тағайындалды", - делінген Үкіметтің баспасөз қызметі хабарламасында.
1988 жылы Түркістан облысында дүниеге келген. Рединг университетінің (Ұлыбритания) ауыл шаруашылығы факультетін "агробизнес менеджмент" мамандығы бойынша және Аджу (Корея) университетін бітірген. Президенттік жастар кадрлық резервінің мүшесі.
Еңбек жолын 2011 жылы "ҚазАгро ұлттық басқарушы холдингі" АҚ-да менеджер болып бастаған.
2013 жылы – "Арқа инвестициялық басқармалық компаниясы" АҚ-ның басқарма басшысы.
2013-2014 жылдары – Қарағанды облысы Ақтоғай ауданы әкімі аппаратының басшысы.
2014-2015 жылдары – ҚР Ауыл шаруашылығы министрлігінің басқарма басшысы.
2015-2018 жылдары – Ақтөбе облысының туризм және сыртқы байланыстар басқармасы басшысы.
2018-2019 жылдары – Ақтөбе облысының ақпараттандыру және сыртқы байланыстар басқармасының басшысы.
2019-2021 жылдары – Ақтөбе облысы, Мәртөк ауданының әкімі.
2021-2022 жылдары – Ақтөбе облысы әкімінің орынбасары.
2022 жылдан бастап осы уақытқа дейін Түркістан облысы әкімінің орынбасары болып қызмет еткен.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
