Мемлекет басшысы Қасым-Жомарт Тоқаевтың Жарлығы бойынша Қазақстанның бірқатар елдегі төтенше және өкілетті елшісі қызметін қоса атқарушы тағайындалды. Жарлық Ақорда сайтында жарияланды, - деп хабарлайды Tengrinews.kz тілшісі.
"Мемлекет басшысының Жарлығы бойынша, Қазақстан Республикасының Малайзиядағы төтенше және өкілетті елшісі Болат Болатұлы Сүгірбаев Қазақстан Республикасының Бруней-Даруссаламдағы төтенше және өкілетті елшісі қызметін қоса атқарушы лауазымына тағайындалды;
Қазақстан Республикасының Үндістан Республикасындағы төтенше және өкілетті елшісі Нұрлан Әділұлы Жалғасбаев Қазақстан Республикасының Шри-Ланка Демократиялық Социалистік Республикасындағы, Бангладеш Халық Республикасындағы, Непал Федеративтік Демократиялық Республикасындағы, Бутан Корольдігіндегі, Мальдив Республикасындағы төтенше және өкілетті елшісі қызметін қоса атқарушы лауазымына тағайындалды", - делінген Жарлықта.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
