+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жаңа құрылған Жетісу облысы бойынша Мемлекеттік қызмет істері агенттігінің аумақтық департаменті басшысы тағайындалды, - деп хабарлайды Tengrinews.kz тілшісі Мемлекеттік қызмет істері агенттігінің баспасөз қызметіне сілтеме жасап.
Жаңа құрылған Жетісу облысы бойынша Мемлекеттік қызмет істері агенттігінің аумақтық департаменті басшысы тағайындалды, - деп хабарлайды Tengrinews.kz тілшісі Мемлекеттік қызмет істері агенттігінің баспасөз қызметіне сілтеме жасап.
"Қазақстан Республикасы Мемлекеттік қызмет істері агенттігінің Жетісу облысы бойынша департаментінің басшысы, әдеп жөніндегі кеңестің төрағасы болып Манап Қобылан тағайындалды", - делінген хабарламада.
Манап Қобылан Тоқбергенұлы 1975 жылы Көксу ауданы Алматы облысында дүниеге келген. Мемлекеттік қызметтегі жалпы еңбек өтілі 14 жылдан асады.
Еңбек жолын Алматы облысының жолаушылар көлігі және автомобиль жолдары басқармасының бас маманы болып бастаған. Осы мемлекеттік органда бөлім басшысы, басқарма басшысының орынбасары, басқарма басшысы қызметтерінде болған.
2011-2020 жылдары Алматы облысы Ескелді ауданының әкімі, Алматы облысының кәсіпкерлік басқармасы, Алматы облысы әкімі аппараты, Алматы облыстық сәулет және қалақұрылыс басқармасы басшысының орынбасары болып қызмет атқарған.
Департамент басшысы лауазымына тағайындалғанға дейін Манап Қобылан Қазақстан Республикасы мемлекеттік қызмет істері агенттігінің Алматы облысы бойынша департаменті басшысының орынбасары, әдеп жөніндегі кеңес хатшылығының меңгерушісі болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
