Марат Бекетаев премьер-министрдің кеңесшісі болды

Бұрынғы әділет министрі Марат Бекетаев жаңа қызметке тағайындалды, - деп хабарлайды Tengrinews.kz тілшісі.

Үкімет басшысының баспасөз қызметі мәліметінше, Марат Бекетаев премьер-министр Әлихан Смайыловтың кеңесшісі болып тағайындалған.

Бұған дейін Марат Бекетаев жаңа әділет министрі Қанат Мусинге жұмыста табыс тілеп, жазба жариялағаны хабарланған болатын.

Марат Бекетаев 2016 жылдан бастап Қазақстанның Әділет министрлігін басқарған. Сондай-ақ, әр жылдары Сыртқы істер министрлігінде, Мемлекеттік қызмет істері агенттігінде және Президент Әкімшілігінде жұмыс істеген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!