Президент Әкімшілігі басшысының жаңа орынбасарлары тағайындалды

Аида Балаева мен Ержан Қазыхан Қазақстан Республикасы Президентінің Әкімшілігі басшысының орынбасары болып тағайындалды, - деп хабарлайды Tengrinews.kz тілшісі.

• "Ержан Хозеұлы Қазыхан Қазақстан Республикасы Президентінің Әкімшілігі басшысының орынбасары – Қазақстан Республикасы Президентінің халықаралық ынтымақтастық жөніндегі арнаулы өкілі лауазымына тағайындалсын;
• Аида Ғалымқызы Балаева Қазақстан Республикасы Президентінің Әкімшілігі басшысының орынбасары лауазымына тағайындалсын", - делінген хабарламада.

Бұған дейін Аида Балаева ақпарат және қоғамдық даму министрі, ал Ержан Қазыхан Президенттің халықаралық ынтымақтастық жөніндегі арнайы өкілі қызметін атқарған.

Айта кетейік, Қасым-Жомарт Тоқаев жаңа үкімет мүшелерін тағайындағаны хабарланған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!