+7 (777) 001 44 99
Қазақша
Русский
English
Шығыс Қазақстан облысы әкімінің міндетін атқарушы қала активіне Риддердің жаңа әкімін таныстырды, - деп хабарлайды Tengrinews.kz тілшісі Altainnews.kz басылымына сілтеме жасап.
Ол - бұған дейін Шығыс Қазақстан облысы Ұлан ауданының әкімі қызметін атқарған 36 жастағы Думан Рахметқалиев.
ШҚО әкімінің міндетін атқарушы Нұрымбет Сақтағановтың айтуынша, Риддердің жаңа басшысын үлкен және күрделі жұмыс күтіп тұр. Жылыту маусымына дайындықты бастау, Риддер ЖЭО мен қаланың бүкіл жылу айналымы жүйесін қайта құруды жеке бақылауға алу.
Думан Рахметқалиев Шығыс Қазақстан облысының тумасы, Прага халықаралық университетін халықаралық сауда мамандығы бойынша, сондай-ақ Қазақстан-Америка еркін университетін заңгер мамандығы бойынша бітірген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
