10 қыркүйек 2021 | 11:22

Серікбай Трұмов Сенат депутаты болып тағайындалды

Дина Шарипханова Корреспондент

Фото: Серикбай Трұмов

Маңғыстау облысының бұрынғы әкімі Серікбай Трұмов Сенат депутаты болып тағайындалды, - деп хабарлайды Tengrinews.kz тілшісі Ақорда сайтына сілтеме жасап.

Маңғыстау облысының бұрынғы әкімі Серікбай Трұмов Сенат депутаты болып тағайындалды, - деп хабарлайды Tengrinews.kz тілшісі Ақорда сайтына сілтеме жасап.

"Мемлекет басшысының жарлығы бойынша Серікбай Өтелгенұлы Трұмов Қазақстан Республикасы Парламенті Сенатының депутаты болып тағайындалды", - делінген хабарламада.

Айта кетейік, 7 қыркүйекте Президент Серікбай Трұмовты Маңғыстау облысының әкімі қызметінен босатқан. Бұрынғы энергетика министрі Нұрлан Ноғаев Маңғыстау облысының әкімі болып тағайындалған болатын.

Серікбай Трұмов 1964 жылы Форт-Шевченко қаласында дүниеге келген. 1992 жылы Ленин атындағы Қазақ политехникалық институтын "инженер-құрылысшы" мамандығы бойынша бітірген. Әр жылдары трест бетоншысы, оқу-өндірістік комбинаттың оқытушысы, сондай-ақ жетекші инженер болып жұмыс істеген.

2004-2006 жылдары Маңғыстау облысы Түпқараған ауданының әкімі болды.

2006-2008 жылдары Маңғыстау облысы әкімінің орынбасары қызметін атқарды.

2008 жылдың қарашасынан 2012 жылдың ақпанына дейін Түпқараған ауданының әкімі болды.

2012-2015 жылдары Жаңаөзен қаласының әкімі қызметін атқарған.

2015-2017 жылдары Ақтау қаласының әкімі болды.

Маңғыстау облысының әкімі қызметін 2019 жылдың маусым айынан бастап атқарған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Тағайындау Қазақстан Сенат

TENGRI travel