15 қыркүйек 2021 12:34

Шолпан Каринова білім және ғылым бірінші вице-министрі болып тағайындалды

Дина Шарипханова Корреспондент

ПОДЕЛИТЬСЯ

Фото: Primeminister.kz/ Фото: Primeminister.kz/

Білім және ғылым бірінші вице-министрі болып Шолпан Каринова тағайындалды, - деп хабарлайды Tengrinews.kz тілшісі Primeminister.kz сайтына сілтеме жасап.


Білім және ғылым бірінші вице-министрі болып Шолпан Каринова тағайындалды, - деп хабарлайды Tengrinews.kz тілшісі Primeminister.kz сайтына сілтеме жасап.

"Үкімет қаулысы бойынша, Шолпан Таңатқызы Каринова Қазақстан Республикасы білім және ғылым бірінші вице-министрі қызметіне тағайындалды", - делінген премьер-министрдің баспасөз қызметі хабарламасында.

Шолпан Каринова 1972 жылы Ақмола облысында дүниеге келген. Шоқан Уәлиханов атындағы Көкшетау педагогикалық институтын, Омбы мемлекеттік педагогикалық университетін бітірген.

Еңбек жолын 1994 жылы ауыл мектебінде мұғалім болып бастады. 1998-1999 жылдары - орыс тілі мен әдебиеті пәнінің мұғалімі. 1999-2000 жылдары - орыс сыныптарында қазақ тілі пәнінің мұғалімі.

2000-2002 жылдары - директордың оқу-тәрбие жұмысы жөніндегі орынбасары. 2002-2003 жылдары Көкшетау медициналық колледжінде оқытушылық және аударма қызметімен айналысқан.

2003-2004 жылдары СҚО Тайынша ауданы Білім және спорт бөлімінің әдіскері; оқу жұмысы бойынша бөлімше басшысының міндетін атқарушы, 2004-2005 жылдары - СҚО Тайынша ауданы №5 орта мектебінің директоры болды.

2005-2008 жылдары СҚО Тайынша ауданының Білім бөлімінде басшылық лауазымдарды атқарды. 2008-2009 жылдары - СҚО Тайынша қаласы әкімі аппаратының құрылымдық бөлімшесінің басшысы.

2009-2012 жылдары - СҚО Білім басқармасы басшысының орынбасары, Петропавл қаласы. 2012-2013 жылдары - Петропавл қаласы әкімінің әлеуметтік сала жөніндегі орынбасары.

2013-2017 жылдары - СҚО Білім басқармасы басшысының міндетін атқарушы, басшысы, Петропавл қаласы. 2017-2018 жылдары - ҚР БҒМ Мектепке дейінгі және орта білім департаментінің директоры.

2018-2019 жылдары - Астана қаласындағы "Назарбаев зияткерлік мектептері" Педагогикалық шеберлік орталығы директорының орынбасары.

2019 жылғы тамыздан бастап қазіргі уақытқа дейін ҚР БҒМ білім және ғылым вице-министрі қызметін атқарған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 449.3   483   4.85 

 

Ауа райы

 

Редакция Жарнама
Социальные сети