+7 (777) 001 44 99
Қазақша
Русский
English
Қазақша
Русский
English
Францияның бас прокуратурасы Мұхтар Әблязовты Ресейге экстрадициялауды сұрап отыр, - деп жазады француз газеті Le Parisien.
"Лионның бас прокуратурасы жұма күні олигарх Мұхтар Әблязовты Ресейге экстрадициялауға қатысты пікір білдірді. Апелляциялық сот тергеу палатасының соңғы шешімі 24 қазанда шығарылады", делінген басылымда. Мұнда көрсетілгендей, прокурордың орынбасары Кристиан Понсар Әблязовты Украинаға емес, Ресейге беру керектігін алға тартып отыр.
Естеріңізге сала кетейік, биылғы жылдың қаңтар айында Франция соты Ресей мен Украинаның Мұхтар Әблязовты экстрадициялауға қатысты ұсынысын қанағаттандырып, БТА-банктің бұрынғы басшысын экстрадициялауға қатысты шешім шығарды. Алайда басымдық Ресейге берілген болатын. Одан кейін Францияның кассациялық соты Мұхтар Әблязовты Ресейге немесе Украинаға экстрадициялау туралы шешімін жүзеге асыру тоқтатылды. БТА банк баспасөз қызметінің хабарлауынша, соттың ұйымдастырушылық қателігіне байланысты, ресми қаттамада Мұхтар Әбілязовтың қойылған қолының жоқтығына орай БТА банктің бұрынғы басшысын Ресейге беру туралы шешім жүзеге асқан жоқ, аталған іс соттың қарауына қайта қайтарылды.
Кейіннен қазақстандық БТА банктің бұрынғы басшысы Мұхтар Әблязовтың адвокаттары Франция соттарынының үстінен бірнеше шағым түсірді. Құқық қорғаушылар сот төрағаларын кәсіби құпияны ашып, лауазымды тұлғаларға ықпал етті деп кінәлады. 2014 жылдың қыркүйегінде Украина Президенті Петр Порошенко БТА банктің бұрынғы басшысы Әбілязовтың ісі бойынша Ресейге көмектеспейтінін айтты. Лионның апелляциялық соты Әбілязовты қамаудан бостауды сұраған оның адвокаттарының сұранысын қанағаттандырмады.
Қазақстан азаматы Мұхтар Әблязовқа Ресейде, Украинада, Қазақстанда іздеу жарияланған. Қазақстанда экс-банкирді БТА банкінен 6 миллиард доллар жымқырды және басқа да қаржылық қылмыстарға қатысы бар деп айыптап отыр. Егер Әбілязовтың ісі Қазақстанда қаралатын болса, оның мүлкі тәркіленіп, 13 жылға бас бостандығынан айырылады. Ресей билігі оны 5 миллиард долларды жымқырды десе, Украина 400 миллион долларды қолды қылды деп отыр.
2011 жылы бизнесмен Ұлыбританиядан саяси пана тапқан болатын. Ол бұл мемлекеттен де бір жылдан кейін сот алдындағы жауаптылықтан жалтарып қашып кетті. Әблязов 2013 жылдың шілдесінде Францияның Ривьерінде тұтқындалған.
