Ресей Қазақстаннан келетін көкөністерге шектеуді алып тастады

Фото:elements.envato.com

Ресей Қазақстаннан келетін көкөністерге шектеуді алып тастады. Бұл туралы Россельхознадзордың хабарламасында айтылған, - деп хабарлайды Tengrinews.kz тілшісі.

Ресей Қазақстаннан келетін көкөністерге шектеуді алып тастады. Бұл туралы Россельхознадзордың хабарламасында айтылған, - деп хабарлайды Tengrinews.kz тілшісі.

"Россельхознадзор 2022 жылдың 5 наурызынан бастап бұрын енгізілген шектеулерді алып тастайды және тоғыз елден көкөніс өнімдерін Ресейге әкелуді қайта бастайды",-делінген хабарламада.

Әкелуге рұқсат етіледі:

Қазақстан Республикасынан қызанақ және бұрыш;
Армения Республикасынан қызанақ;
Әзірбайжан Республикасынан қызанақ;
Беларусь Республикасынан қызанақ және бұрыш;
Египет Араб Республикасынан картоп;
Қырғызстан Республикасынан қызанақ және бұрыш;
Түркия Республикасынан қызанақ, бұрыш, кәді және баклажан;
Түрікменстаннан қызанақ және бұрыш;
Өзбекстан Республикасынан қызанақ пен бұрыш.

Россельхознадзордың айтуынша, шешім жоғарыда аталған елдердің өсімдіктер карантині және қорғау жөніндегі ұлттық ұйымдары ұсынған аймақтандыру туралы ақпаратты, сондай-ақ, Ресей Федерациясы мен ЕАЭО-ға мүше елдердің фитосанитариялық талаптарын бұзуға жол бермеу үшін қабылданған шараларды талдау нәтижелері бойынша қабылданды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Ресей Қазақстан тауар