+7 (777) 001 44 99
ПОДЕЛИТЬСЯ
Ресейде мас ұшқыш әйелімен ұрысқаннан кейін тікұшақты ұрлап әкетті, - деп хабарлайды Красноярск өлкесі бойынша Тергеу комитеті басқармасы. Оқиға кеше, 6 маусымда болды.
Ресейде мас ұшқыш әйелімен ұрысқаннан кейін тікұшақты ұрлап әкетті, - деп хабарлайды Красноярск өлкесі бойынша Тергеу комитеті басқармасы. Оқиға кеше, 6 маусымда болды.
Жеке әуе компаниясында ұшқыш болып жұмыс істейтін ер адам өз куәлігімен Туруханск аэродромының аймағына барған. Ол мас күйде болыпты. "Ер адам тікұшақты ұшырып әкетті, бірақ ұрлау мақсаты болмаған, ол бұл іске әйелімен болған жанжалдан кейін барған. Күдікті есіктің құлып құрылғысын бүлдіріп, МИ-8Т тікұшағының ішіне кіріп, аппаратты әуеге көтерді",- делінген Тергеу комитетінің хабарламасында.
Құқық қорғау органдарының мәліметінше, ер адам көкке ұшқаннан кейін қауіпті әрекеттер жасай бастаған. Әуе кемесі Туруханск ауылының үстінде және оның айналасында, сонымен қатар Фарково ауылының үстінде төменгі биіктікте ұшқан.
Бір сағат өткеннен кейін ұшқыш әуежайдың ұшу-қону жолағына қонды. Ұшу барысында ешкім жарақат алған жоқ. Болған оқиға дерегіне байланысты қылмыстық іс қозғалды. Красноярск өлкесінің тұрғынына қандай жаза кесілетіні айтылмай отыр.
