+7 (777) 001 44 99
Қазақша
Русский
English
Ресей әскерилері Астрахан облысындағы Капустин Яр полигонынан континентаралық-баллистикалық "Тополь" РС-12М зымыранын сәтті ұшырды, - деп хабарлайды РИА Новости басылымы РФ Қорғаныс министрлігінің баспасөз қызметіне сілтеме жасап.
Сынақтан өткен "Тополь" зымыраны Мәскеу уақыты бойынша 20 мамыр күні сағат 21:08 минут кеткенде ұшырылды. Оқу-жаттығу мақсатында ұшырылған әскери зымыран Қазақстан аумағында орналасқан Сары-Шаған полигонындағы көздеген нысанын жойған. РФ Қорғаныс министрлігінің айтуынша, олар "Тополь" РС-12М зымыранын ұшыру арқылы болашақтағы континентаралық-баллистикалық зымыранның әскери жарақтану потенциалын сынап көрмек екен.
Естеріңізге сала кетейік, "Тополь" зымыранының ұшырылуы салдарынан әуеде ерекше жарық пайда болған. Оны Қазақстанның бірқатар қалаларының тұрғындары байқаған. Әлеуметтік желіні пайдаланатындардың айтуынша, зымыранның ізінен қалған жарықты Атырау, Ақтау, Орал және басқа да қаланың тұрғындары көрген.
