Қазақстанның үш қаласында дауыс беру уақыты өзгерді 18 қараша 2022, 11:33
Орталық сайлау комиссиясы Қазақстанның үш қаласында кезектен тыс президент сайлауы бойынша дауыс беру уақыты өзгертілгенін хабарлады, - деп хабарлайды Tengrinews.kz тілшісі.
ОСК төрағасы Нұрлан Әбдіров осы қалалардың аумақтық комиссиялары дауыс беруді бастау үшін басқа уақыт белгілеу туралы шешім қабылдағанын айтты.
"Астана, Алматы, Шымкент қалаларының аумақтық сайлау комиссияларының жедел ақпарат ұсынуына сәйкес, тиісті аумақтық сайлау комиссияларының шешімі бойынша 86 сайлау учаскесінде дауыс беру сағат 6:00-де басталады", - деді Әбдіров ОСК отырысында.
Қазақстанда кезектен тыс президент сайлауы 20 қарашада өтеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
- ПОДЕЛИТЬСЯ