+7 (777) 001 44 99
Қазақша
Русский
English
Аустралия, Германия, Польша және АҚШ генетиктері Ежелгі Мысырдың тұрғындарының шыққан тегіне зерттеу жасады. Ғалымдардың бұл зерттеуі Nature Communications журналында жарияланды, - деп хабарлайды Lenta.ru.
Зерттеу қорытындысына сәйкес, ежелгі мысырлықтар Таяу Шығыстан келген болып шықты, нақты айтқанда, олардың ежелгі Левант пен Антолия халқымен генетикалық байланысы бар екені анықталды. Ал елдің қазіргі тұрғындарының ата-тегі Сахараның оңтүстігінен келген екен.
Ежелгі адамдардың сүйектерінен алынған жүзге жуық митохондриялық ДНҚ-ға сараптама жасаған ғалымдар осындай шешімге келіп отыр. Зерттеу жасалған сүйектер ежелгі Мысырдың орталық бөлігінде 2,4 - 3,4 мың жыл бұрын өмір сүрген адамдарға тиесілі екен.
Мамандар Ежелгі Мысыр тұрғындарының шыққан тегін алғаш рет анық зерттеуге мүмкін болғанын айтады. Мұндайға секвенциялаудың ең жаңа технологиясын қолдану арқылы қол жеткізу мүмкін болған.
