+7 (777) 001 44 99
Қазақша
Русский
English
Қазақша
Русский
English
"Аргентинада динозаврдың тасқа айналған сүйектері табылды. Ғалымдардың пайымдауынша, бұл жер бетінде тіршілік еткен динозаврлардың ең үлкені" деп хабарлайды Tengrinews.kz BBC ақпарат құралына сілтеме жасап.
Жамбас сүйектеріне қарағанда, оның ұзындығы 40 метр, бойы 20 мертдей болған. Ал салмағы 77 тонна, бұл төрт африкалық пілдің салмағына тең. "Сүйектердің мөлшерін білген соң, бұл жер бетінде тіршілік еткен ең үлкен жануар деген тоқтамға келдік" дейді сұхбат барысында палеонтологтар.
Кесіртке сүйектерін Аргентинаның Трелью қаласының батысында 250 шақырым қашық жерден жергілікті фермер тапқан. Палеонтологтар ол жерден жануардың 150-дей сүйегін қазып алған. Ғалымдардың айтуына қарағанда, сүйектер жақсы сақталған. Зерттеушілердің пайымдауынша, бұл өсімдікпен қоректенетін, бор дәуірінде тіршілік еткен титанозаврдың бір түрі. Бейнежазбасы осы жерде.
