+7 (777) 001 44 99
Қазақша
Русский
English
Халықаралық сейсмологтар командасы таяудағы он жылда қай ғаламшарда ең ірі жер сілкіністерінің бірі болуы мүмкін екенін айтты. Зерттеушілердің айтуынша, жойқын жер сілкінісі Чили астанасы Сантьягода болуы мүмкін. Олар жер сілкінісінің магнитудасы 8,3-ке тең болатынын айтады. Бұл туралы Naked-Science басылымы жазды.
Сондай-ақ, ғалымдар табиғи құбылысқа Наска мұхит тақтасының Оңтүстік Америкалық тақтаға жақындауы себеп болатынын айтып отыр. "Бұл процесс жыл сайын шамамен сегіз сантиметр жылдамдықпен жүреді, бірақ ол процесс Сантьяго аумағында тоқтап қалады", - делінген мақалада.
Мамандардың айтуынша, жер сілкінісінің эпицентрі Вальпараисо қаласында болады. Ол Чили астанасынан 100 шақырым жерде орналасқан. Осылайша, биыл жер сілкінісінң болу ықтималдығы шамамен 3 пайызға бағаланып отыр, бұл әдеттегі нормадан 2-3 есе көп екен. Сондай-ақ, ғалымдардың айтуынша, табиғи құбылыстың болу қаупі жыл сайын көбейеді.
Айта кетейік, осыған дейін Чилиде адамзат тарихындағы жойқын жер сілкінісі болған еді. Онда 1960 жылы Сантьягодан 570 шақырым жерде магнитудасы 9,5-ке тең жер сілкінісі болды.
Басылымның мәліметінше, 2015 жылдың қыркүйегінде Чилидің Ильяпель қаласында магнитудасы 8,3 балл болатын жер сілкінісі болған. 1880 және 1943 жылдары да осы аумақта магнитудасы 8 балл жер сілкінісі болған.
