+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Тараз мемлекеттік педагогикалық институтының жанынан ашылған тәжірибелік орталықта жамбылдық мектеп оқушылары жаңа технологияларды меңгеріп, зерттеу жұмыстарын жүргізуде. Бұл туралы Тengrinews.kz тілшісіне ТарМПИ-дың ақпараттық-имидждік қызметінің жетекшісі Жандар Асан хабарлады.
Тараз мемлекеттік педагогикалық институтының жанынан ашылған тәжірибелік орталықта жамбылдық мектеп оқушылары жаңа технологияларды меңгеріп, зерттеу жұмыстарын жүргізуде. Бұл туралы Тengrinews.kz тілшісіне ТарМПИ-дың ақпараттық-имидждік қызметінің жетекшісі Жандар Асан хабарлады.
Бүгінде жастардың шығармашылық қабілетін дамыту, заманауи технологияларды меңгеруі және оны өмірде қолдана білуі үлкен маңызға ие. Осы орайда педагогикалық институтта тәжірибелік-инновациялық орталық құрылып, арнайы жоба іске асырылуда. Мақсат - студенттермен қатар мектеп оқушыларын ғылыми-зерттеу жұмыстарына тарту арқылы олардың қызығушылығын арттыру және зияткерлік әлеуетін көтеру.
Зертханалық жұмыстар 6 бағыт бойынша жүргізілуде. Институт ғалымдары химия, биология, физика және робототехника салалары бойынша зерттеу жұмыстарының қыр-сырымен таныстырып, тың ойларын ортаға салуда. Кешенді тәжірибе жүргізуге педагогикалық институттың базасында толық жағдай жасалған. Оқу орнында студенттер мен мектеп оқушыларының робототехника бойынша ғылыми-техникалық шығармашылық қабілетін дамыту мақсатында "Электротехника", "Радиотехника", "Электроника негіздері" және "Мектептегі робототехника" оқу-зертханалары жұмыс істейді. Дәрісханалар Lego, Tetrix, Аrduino роботтарымен, заманауи құрылғылармен, оқу-әдістемелік және бағдарламалық нұсқаулықтармен жабдықталған.
Институтта тәжірибеден өткен озық ойлы оқушылардың ғылыми жобалары орталықта топтастырылады. Еңбектерді өндіріске енгізу ісі де жан-жақты қарастырылмақ. Бүгінде педагогикалық оқу орны өңірдегі бірқатар кәсіпорындармен келісімге отырған. Осыған орай, институт студенттері түрлі өндіріс зертханаларында өз жобаларын тәжірибеден өткізуде.
