+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстанның 14 жоғары оқу орны Еуропа мен Орта Азияның дамушы елдерінің ЖОО рейтингіне кірді, оны ұлыбританиялық Quacquarelli Symonds компаниясы құрастырған.
Қазақстанның 14 жоғары оқу орны Еуропа мен Орта Азияның дамушы елдерінің ЖОО рейтингіне кірді, оны ұлыбританиялық Quacquarelli Symonds компаниясы құрастырған.
QS EECA (Emerging Europe & Central Asia) рейтингіне 22 елден барлығы 150 ЖОО енді. Қазақстандық ЖОО қатарында әл-Фараби атындағы Қазақ ұлттық университеті (21-орын), Л.Н.Гумилев атындағы Еуразия ұлттық университеті (33-орын), Қ.И.Сатпаев атындағы Қазақ ұлттық техникалық университеті (54-орын), Қазақ-Британ техникалық университеті (63-орын), Қазақ ұлттық аграрлық университеті (67-орын) бар.
Сонымен қатар, бұл рейтингке енген отандық ЖОО қатарында Қазақ мемлекеттік қыздар педагогикалық университеті (74-орын), М.О.Әуезов атындағы Оңтүстік Қазақстан мемлекеттік университеті (81-орын), Е.А.Букетов атындағы Қарағанды мемлекеттік университеті (100-орын), Абылай хан атындағы Қазақ халықаралық қатынастар және әлем тілдері университеті (101-110-орын), Қарағанды мемлекеттік техникалық университеті (111-120-орын), Д.Серікбаев атындағы Шығыс Қазақстан мемлекеттік техникалық университеті (111-120-орын), М.Қозыбаев атындағы Солтүстік Қазақстан мемлекеттік университеті (131-140-орын), Алматы технологиялық университеті (131-140-орын) және Қожа Ахмет Йассауи атындағы Халықаралық қазақ-түрік университеті (141-150-орын) бар.
Тізімде М.В.Ломоносов атындағы Мәскеу мемлекеттік университеті көш бастап тұр. Екінші орын да ресейлік ЖОО-ға бұйырды - Новосібір мемлекеттік университеті. Үздік бестікте Карлов атындағы чех университеті, Тартус университеті мен Санкт-Петербург мемлекеттік университеті бар.
Сонымен қатар, Quacquarelli Symonds жыл сайынғы жалпы әлемдік рейтингті ұсынды, оған 500 ЖОО кірген. Оны құрастыру кезінде оқу орнының ғылыми беделі, қызметкерлер арасындағы беделі, профессор-оқытушылар құрамының арақатынасы, шетел факультеттерінің саны мен шетелдік студенттер және өзге де артықшылықтары ескерілді. Бұл тізімде әл-Фараби атындағы Қазақ ұлттық университеті 275-орын алды, ал Л.Н.Гумилев атындағы Еуразиялық ұлттық университеті 371-орында.
