+7 (777) 001 44 99
Қазақша
Русский
English
Қазақша
Русский
English
Қытайдың Фудан университетінің ғалымдары омикрон штамын және коронавирус инфекциясының басқа мутацияларын бейтараптандыратын антиденелердің жаңа түрін синтездеп шығарды, - деп хабарлайды Tengrinews.kz тілшісі South China Morning Post-қа сілтеме жасай отырып.
Басылым мәліметінше, антиденелер адамның иммун жүйесінен шығатын басқа екі антидене компоненттерінен синтезделген. Зерттеу мақсаты басқа жұқпалы аурумен күресу жолдарын іздеу болған, бірақ сынақ нәтижесінде жасалған антиденелер омикрон штамына төтеп бере алатынын көрсеткен.
Қытайлық зерттеу тобы және Гуанчжоудағы ұлттық тыныс алу аурулары клиникалық зерттеу орталығының мамандары жаңа әдісті қолдана отырып, қысқа уақыт ішінде сегіз түрлі антидене жасады.
Университеттің жетекші ғылыми қызметкері Хуан Цзинхенің айтуынша, дәл осындай антиденелер болашақта пайда болатын коронавирус мутацияларына қарсы тиімді құрал болады.
"Әлемде омикрон штамын жоятын антиденелер өте аз. Құдайдың рақымы түскендей сезінемін", - деп мойындады ол.
Бұл антиденелердің сегізі омикрон және вирустың басқа түрлеріне әсер етуі мүмкін. Сәтсіз сынақтардан кейін ғалымдар 10 жасанды антидене алды, олардың мөлшері табиғи шыққан антидененің мөлшерінен 10 пайызға артық.
"Компоненттер түрлі табиғи антиденелерге жататынына қарамастан, жою процесінде бірлескен рөл атқарады", - делінген мақалада.
Биспецификалы антиденелер дельта, SARS-CoV-2 және басқа да коронавирус штамдарын бейтараптандыруы мүмкін. Зерттеушілердің пікірінше, сынақ нәтижелері жаңа антиденелердің болашақта жаңа мутациялармен күресуде әлеуеті жоғары екенін көрсеткен.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
