+7 (777) 001 44 99
Қазақша
Русский
English
ҚР Білім және ғылым минситрі Ерлан Сағадиев Ақтөбедегі Ұлттық бірыңғай тестілеу пунктіне барды, - деп хабарлайды Tengrinews.kz тілшісі.
Министр Жұбанов атындағы Ақтөбе өңірлік мемлекеттік университетінде мектеп түлектерімен кездесіп, сынаққа кірушілерге 125 балл алуға тілек білдірді.
"Бізде барлығы дайын, тексерілген. 5 маусым күні кешке балалардың қауіпсіздігін ойлап, ҰБТ өтетін уақытты ауыстырдық. Премьер-министрдің тапсырмасымен бүгін өзім келіп отырмын. Дайындық жоғары деңгейде, балалар дайын, барлығы дұрыс", - деді министр.
Еске салайық, бұған дейін министрлік Ақтөбедегі ҰБТ өтетін күнді 7 маусымға ауыстыру туралы шешім қабылдаған еді. Сонымен қатар, министрлік өкілдері ҰБТ өтетін № 835 пунктте, яғни Жұбанов атындағы Ақтөбе өңірлік мемлекеттік университеті және № 715 пункт, Бәйішев атындағы Ақтөбе университетінде ғана өзгеріс болатынын нақтылады. Қалған орындарда ҰБТ өткізілетін уақыт бұрынғыша қалдырылды.
