+7 (777) 001 44 99
Қазақша
Русский
English
ҰБТ басталғалы 100-ден жоғары балл жинағандар саны 14,6 пайызды құрады, деп хабарлайды Тengrinews.kz тілшісі Білім және ғылым вице-министрі Тахир Балықбаевқа сілтеме жасап.
Тестілеу басталғалы 100 балдан жоғары жинағандардың саны 4 күн ішінде 11 242 оқушыны құраған. Былтыр бұл меже - 100 балдан астам көрсеткішке тек 9204 бала ие болған-тын.
"Биыл ҰБТ-ны 92077 мектеп бітіретін түлек тапсыруы тиіс еді. Алдыңғы 4 күнде олардың 76948-і немесе 83,6 пайызы тапсырып шықты. Осы күндердің нәтижелерін атап өтер болсам, биылғы тест тапсырған түлектердің орташа балы 76,8 болып отыр. Өткен жылы ол 74,7 болған", - деді вице-министр Т.Балықбаев.
Әзірге тест тапсырғандардың ішінде алматылық екі түлек қана жоғарғы балл жинады.
Вице-министрінің сөзінше, 2-5 маусым күндері аралығында 50 балл жинай алмаған түлектердің саны 17811 шамасында болды.
