+7 (777) 001 44 99
Қазақша
Русский
English
Ұлттық Бірыңғай тестілеудің алғашқы күнінде тараздық түлек Гүлназ Ердосова 125 балл жинады, - деп хабарлайды Tengrinews.kz ҚР Білім және ғылым министрлігінің баспасөз қызметіне сілтеме жасап.
Ең жоғарғы балл жинаған Гүлназ Жандосқызы Ердосова Тараздағы № 45 қазақ класикалық гимназиясының түлегі.
Тестілеудің алғашқы күнінде емихан 48 пунктте өткізілді. Өтініш берген 19 743 адамның 18 889-ы (95,5 пайызы) ҰБТ-ға қатысты. 27 түлек емтиханнан шығарылды.
"3 727 ұялы телефон, 3 894 шпаргалка, 83 калькулятор, 5 рация, 12 роутер мен модем, яғни, тиым салынған 7 725 зат табылды. Орташа балл - 79,7. 3478 түлек (18,4 пайыз) 50 балдан төмен жинады, 3409 оқушы (18,1 пайыз) 100-ден асырды. Алматы мен Оңтүстік Қазақстан облыстарынан ҰБТ-ға оқушылардың орнына кірген бөтен адамдар ұсталып, олардың нәтижелері жойылды", - деді ведомстводағылар.
Айта кетейік, биыл 87 783 түлек Ұлттық Бірыңғай тестілеуге қатысады. Тестілеу 165 пунктте өтеді. 62 385 оқушы қазақ тілінде, 25 398 түлек орыс тілінде тапсырады.
