+7 (777) 001 44 99
Қазақша
Русский
English
03 наурыз 2022 | 14:27
Ағайынды Жүгінісовтерде той: Мұхамедәлінің сүйіп қосылған жары кім?
Кеше, 2 наурызда ағайынды Жүгінісовтердің бірі Мұхамедәлі үйлену тойын жасады, - деп хабарлайды Tengrinews.kz тілшісі.
ПОДЕЛИТЬСЯ
Кеше, 2 наурызда ағайынды Жүгінісовтердің бірі Мұхамедәлі үйлену тойын жасады, - деп хабарлайды Tengrinews.kz тілшісі.
Анасы Айнұр Жүгінісова тойдан видео, суреттерді Instagram-дағы аккаунтына жүктеп отырды. Суреттерге қарап қалыңдықтың есімі Медина екенін көруге болады.
"Балалықпен қоштасып,шаңырағымызға жылуы мен нұрын шашып келген, бала келінім келген қадамыңа нұр бітсін! Той қазақтың қазынасы! Әр отбасыға той мен қуаныш көруді жазсын. Жұғысты болсын", - деп жазды Айнұр Жүгінісова.
Той қуанышын бөлісуге Қазақстанның эстрада жұлдыздары Мақпал Жүнісова, Қарақат Әбілдина, Қыдырәлі Болманов, Майра Ілиясова, Ұлықпан Жолдасов, Алтынай Жорабаева келді. Танымал шоумен Тұрсынбек Қабатов та жүр.
Қонаққа келген әншілерден ән шашу болды. Ағасы Мирас Жүгінісов те кішігірім концерт ұйымдастырып, хит болған әндерін орындады.
Мұхамедәлі де қалыс қалмай, Ed Sheeran-нің Perfect әнін орындап, қалыңдығымен вальс билейді.
Видеоларға қарағанда күйеу жолдас пен қыз жолдас жоқ екенін көруге болады.
Сондай-ақ, тойда ерекше салт жасалған: той кезінде Медина қонақтардың алдында бауырсақ пісірген.
"Жан-жақтан келген нәрселерден арылып, өзіміздің дәстүрді жалғастырайық деген ниетпен жас келін отқа май құйып, майдың иісін шығарып, үлкен аналарына нан пісіріп берсін деген ниетпен осы үрдісті енгізіп жатырмыз", - деді Айнұр Жүгінісова.
Сурет: instagram.com/meruertzharaspaeva
Былтыр қыркүйекте Мұхамедәлі Жүгінісов отау құрғаны белгілі болған еді. Оның қалыңдығымен түскен суреті Желіде тараған. Кейін Мирас Жүгінісов те сұхбатында інісі үйленгенін айтқан еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
