+7 (777) 001 44 99
Қазақша
Русский
English
"Алдаспан" этно-рок тобына жаңа электродомбырашы келді, - деп хабарлайды Tengrinews.kz тілшісі.
Жақсылық Дулат есімді музыкант 1994 жылы Ақтөбе облысы, Хромтау қаласында дүниеге келген. Құрманғазы атындағы Қазақ ұлттық консерваториясың бірінші курс студенті домбырадан бөлек гитара аспабын жетік меңгерген.
Топ продюсері Нұржан Тойшының айтуынша, Дулат топпен бірге алдағы The Spirit of Tengri фестиваліне қызу дайындалып жатыр. "Маусым айында өтетін фестивальде жоғары дәрежеде өнер көрсетуге тырысып жатырмыз. Орыс тілінде әнжинақ жазылып жатыр, жылдың аяғына дейін өздеріңізге ұсынатын боламыз", - деді ол.
"Алдаспан" - рок жанрын домбыра үнімен жеткізуді мақсат еткен этникалық топ. Топ құрылған 4 жыл ішінде олар "Atilla", "Елге қайт", "Ұлы көш", "Төкпе Light" жинақтарын шығарып үлгерді. 2011 жылы шыққан "Жол" әні көпшіліктің жүрегін жаулады. Топтың қоржынында 50-ге жуық туынды бар.
