+7 (777) 001 44 99
Қазақша
Русский
English
Сенбі күні, 19 қыркүйекте Алматыдағы "Белые розы" мейрамханасында қазақстандық актриса, әнші әрі тележүргізуші Аша Матайдың ұзату тойы өтті.
Актриса Mysterions тобының солисі Арман Қоңырбаевқа тұрмысқа шықты. Айта кетейік, олардың үйлену тойы 25 қыркүйекте өтеді. Әлеуметтік желілерде "жыл үйлену тойы" аталып кеткен салтанатты рәсімге қалыңдық пен күйеу жігіттің туыстары мен қазақстандық эстраданың көптеген жұлдыздары қатысты. Tengrinews.kz тілшісі Instagram желісінде #КызУзатуАшаМатай хэштегі арқылы табылған суреттер мен видеоларды ұсынады.
Аша Матай (шын есімі - Ақбота Маратқызы Асқарбекова) - "Шабыт" және "Жаһан дала" жүлделерінің иегері, Республикалық "Империя звезд" телешоуының жеңімпазы. 1988 жылы 2 желтоқсанда Алматы қаласында заңгерлердің отбасында дүниеге келген. Актрисаның анасы - Бәтес - продюсер әрі тележүргізуші Баян Есентаеваның әпкесі.
