27 ақпан 2019 | 18:39

Аминка Витаминка Nickelodeon премиясына ұсынылды

Айдос Қосыбаев

Танымал қазақстандық блогер қыз Аминка Витаминка (Әмина Малғажар) Nickelodeon - Kids Choice Award 2019 балалар премиясы номинанттар тізіміне енді, - деп хабарлайды Tengrinews.kz тілшісі.

Танымал қазақстандық блогер қыз Аминка Витаминка (Әмина Малғажар) Nickelodeon - Kids Choice Award 2019 балалар премиясы номинанттар тізіміне енді, - деп хабарлайды Tengrinews.kz тілшісі.

Қыз бала "Ресейлік телекөрермендерінің үздік жаңа видеоблогері" санатында ұсынылған. Әминаға Viki Show, Ева Миллер және Настя Тропицель сынды жас блогерлер бәсекелес болған.

Қыздың ата-анасы америкалық Nickelodeon телеарнасының Ресейдегі өкілдерінен қыздарының номинанттары тізіміне енгені туралы хат келгенін мәлімдеді.

"Біз бұл номинацияға өте қуаныштымыз - АҚШ-қа марапаттауға барғымыз келді, бірақ бізге марапатты Мәскеудегі өкілдікке жіберілетінін айтты. Сондай-ақ, бізге Әминаның роликтердің бірін дыбыстайтыны туралы айтты", - деді қыздың анасы Арай Малғажар.

Қазақстандық қызға мына жерде дауыс беруге болады. Әминаға жету үшін, алдымен үш номинация үшін дауыс беру керек. Сосын қыз бала ұсынылған категория пайда болады.

Kids Choice Award - бұл АҚШ-тың Nickelodeon танымал балалар телеарнасымен берілетін жыл сайынғы кинопремия. Kids Choice Award 2019 марапаттау рәсімі 27 наурызда Лос-Анджелесте өтеді.

Әмина Малғажардың отбасы Мәскеуге 2018 жылы көшті. Әмина мен оның кіші сіңілдері Адия мен Аружан Instagram-дағы қызықты шағын роликтердің (вайнам) арқасында Қазнетте танымал болды. 2015 жылдың тамыз айында алғашқы вайндары пайда болды. Қазір Аминка Витаминканың Youtube каналына 2,9 миллион қолданушы жазылған және Instagram желісіндегі парақшасына 1,1 миллион адам жазылған.