+7 (777) 001 44 99
Қазақша
Русский
English
Баян Алагөзова TengrinewsTV арнасындағы The Эфир жобасында KeshYou тобы мен рэпер Baller-дың бірігіп түсірген жаңа клипіне қатысты айтылған сынға жауап берді.
Айта кетейік, Swala La La клипі осыдан екі апта бұрын шыққан болатын. Алайда қазақстандықтардың көбі бұл клипті әдепсіз деп таныды.
"Мен ұятмендерге еш таңғалған жоқпын, барлығын біліп тұрып істедім. Қыздарға көбіне ұнайтын көйлектерді кидірген жоқпын. Трек хип-хоп стильде болса, неге мен оларға музыкаға сәйкес келмейтін көйлектерді кигізуім тиіс?", - дейді продюсер.
Баян Алагөзованың айтуынша, клип 10 күнде миллионнан аса көрілім жинаған.
"10 күнде - миллион 700 мың қаралым. Нәтиже менің көңілімнен шығады. Бізде мұндай көрсеткіш ешқашан болған емес. Соңғы екі жылда мұндай болған емес. 10 күнде осындай қаралым жинау команда үшін керемет жетістік", - дейді Алагөзова.
Сондай-ақ, продюсер жобаның қалай дайындалғанын айтып өтті.
"Мен өз-өзіме келгенде, яғни, осыдан бес ай бұрын сіңлім Бағым Мақсатқызымен асүйде отырдық. Ол маған кешке қонаққа келген болатын. Содан мен оған "Баголя не болып жатыр өзі? Қызық ештеңе жоқ. Бір жапан далада клип түсірейік, бір жылда 50 мың қаралым жинаса жинар. Сосын ойланып, басқа стильде жасайық" дедім. Содан хайп керек дедім. Ұнаса да, ұнамаса да. (...) Клип 10 күнде миллион 700 мың қаралым қаралым жинаса, ол қызық деген сөз", - дейді продюсер.
Айта кетейік, сұхбаттың толық нұсқасы ертең, 7 наурызда жарияланады.
