+7 (777) 001 44 99
Қазақша
Русский
English
Продюсер Баян Алагөзованың қызы Айсәуле Бақытбек Қазнетте талқыланып жатқан екі мәселе - Төреғали Төреәлінің концертіндегі дауы мен түнгі клубта бұзақылық жасап, қамалған Айжан Байзақоваға қатысты пікір білдірді, - деп хабарлайды Tengrinews.kz тілшісі.
"Байзақованы қамады, Төреғали ішіп алып, қуды... бәрі жақсы ғой, тек маған біздің елде 50 000 теңгеге шешінетін бикештерден немесе өз тыңдармандарын құрметтемейтін әншіден басқа маңызды проблемалар бар, жоқ па? (...) Байзақова олардың әкесі ме еді? Әлде шешесі ме еді? Өз балаларыңызды жақсы тәрбиелеп алыңыздар, сонда жақсы болып өседі", - деп жазды Айсәуле Бақытбек Instagram желісіндегі парақшасында.
Мұнымен қатар, оның айтуынша, Байзақова мен Төреәлінің шаруасы елдің назарын алатындай маңызды жағдай емес. "Байзақованың емес, басқа біреудің жамбасында кімнің қандай шаруасы бар? Әнші тыңдарманымен жанжалдасып қалыпты, әндерін радиодан алып тастады, кешірім сұрады, енді не талқылау керек? Тұжырым жасаңыздар да өте беріңіздер. Дүниені төңкерудің қажеті не? Оған тіпті өлең арнау дегенің "колхоз". (...) Барлығымыз қателесеміз, шалыс басса артына түсіп, халық болып екі адамды елден қуамыз ба?", - дейді ол.
