+7 (777) 001 44 99
Қазақша
Русский
English
Қазақстандық белгілі продюсер әрі актриса Баян Есентаева әлеуметтік желіде қызу талқыланып, жолдасы казинода дилерді соққыға жықты делінген видеоға қатысты пікірін айтты. YouTube қолданушылары ролик кейіпкерін продюсердің жолдасы Бақытбек Есентаевқа ұқсатты, - деп хабарлайды Tengrinews.kz тілшісі.
Есентаеваның айтуынша, ол видеоға жолдасының еш қатысы жоқ. "Иә, хабардармын. Видеоны көрдім. Айтарым, оған менің жолдасымның еш қатысы жоқ. Ол аттасы болуы мүмкін немесе біреу әдейі солай істеген. Ол менің жолдасым емес", - деді Есентаева.
Видеоға қатысты қалдырылған пікірлерде "Баха Есентаев есімді мемлекеттік қызметкер "Карлтон" казино-отеліне 40 мың доллар ұтылды" делінген. Видеода тағы бір эпизод бар, онда ер адамның казино кассасынан 5 мың долларды қарызға сұрағанын көруге болады. Видеоның соңында тағы бір кадр көрсетіледі, онда 2015 жылдың 18 қазаны деп көрсетілген және ол жерде ер адам ойынханаға келген қонақтардың бірімен төбелеседі.
