+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Динара Сәтжан тон тігілген ұтысты әділетсіз болды деп айыптағандарға жауап берді, - деп хабарлайды Tengrinews.kz тілшісі.
Динара Сәтжан тон тігілген ұтысты әділетсіз болды деп айыптағандарға жауап берді, - деп хабарлайды Tengrinews.kz тілшісі.
Мұның алдында Instagram желісінде Желі қолданушылары белгілі тележүргізушіні тон тігілген ұтыс ойынының жеребесін алдап өзгертті деп айыптаған еді. Астанада өткен бұл ұтыс ойынының видеосынан қолданушылар билет нөмірін ауыстырған делінген адамның әрекетін талқылаған.
Өз кезегінде Динара Сәтжан бұл шараға шын мәнінде қатысқанын, бірақ жүлде ұтыстарымен байланысы жоқтығын мәлімдеді.
"Бұл шараға мені жүргізуші ретінде шақырды. Менің міндетім компанияның тарихын айтып, амбассадор мен әртістерді таныстыру еді. Ұтысты иллюзионист ойнатуы тиіс еді, ал мен жүлделерді табыстауым керек болған. Жеребе қағаздарын ауыстырып жіберді деп мені айыптамауларыңыз керек. Өз басым бәрі әділ өтеді деп сендім. Тонды қарағандылық қыз жеңіп алды, ол кейін жүлдесі туралы Instagram желісінде жазды", - деді ол тілшімізге берген сұхбатында.
Сонымен қатар, ол Желі қолданушыларының мұндай дау шығарғанына таңғалғанын айтты.
"Бүкіл ел қатысқандай дүрлігіп кетті. Ең қызығы, видеоны түсірген де, монтаждаған да корпоративтік компания. Ешкім ештеңені байқамады. Соған қарағанда осы аккаунттан видео Желіге таралған. Адам көп емес еді, ары кетсе қырық. Нәтижесінде жүлделерді қонақтардың жарысы ұтып алды", - деді Динара Сәтжан.
"Басқа адам жүргізуші болса бұл таныстырылымға ешкім де назар аудармас еді деп ойлаймын. Мені әділетсіз ұтыс ойнаттың деп те айыптаудың қажеті жоқ, мен шараларда жүргізуші боламын. Бұдан былай сақ боламын", - деді тележүргізуші.
