Ерке Есмаханның "Қайда" әнінің сөзін жазған ақын плагиат деп айыптағандарға жауап берді

Қазақстанды әнші Ерке Есмаханның "Қайда" әнінің сөзін жазған ақын Қайнар Алагөзов бұл әнді қырғыз елінен алды деп айыптағандарға жауап берді, - деп хабарлайды Tengrinews.kz тілшісі. 

Ән сөзінің авторының айтуынша, бұл әнді қырғыз орындаушысы қазақша әнді қайта айтып шыққан. Ал қырғыз әншілерінің орындауына қарсы емессіз бе деген сұраққа ол "Жалпы қарсылығымыз жоқ қой. Ауқымды тарап жатқанына қуаныштымын", - деп жауап берді. Ал әншінің директоры өз кезегінде бұл әннің әуенін Диана Исмаилова жазғанын айтты. 

Айта кетейік, осыған дейін қырғыз әншісі Гүлназ Шыныбекқызының қырғыз тіліндегі "Қайда" әні Желіде жария бола салысымен қолданушылар Ерке Есмаханның әнді қырғыз композиторларынан алды деген болжам жасаған болатын. 

Еске салайық, Ерке Есмаханның "Қайда" әні нағыз хит болған еді. Қазірде 18 миллион рет қаралған бейнебаян бес күннің ішінде-ақ миллионға жеткен болатын. Әншінің өзі де қуанышын жасыра алмай, тыңдармандарына сүйіншілеген еді. 

"Мақтанбайын десем, жан-жақтан құттықтап қоймай жатыр! Маған ыңғайы келсе, "өзіншеее боп қалған керек",-деп ойлап қалмаңыздар! (...) Еңбектің жемісі болған соң қайтейн, айтып қойған дұрыс-ау! Рақмеееееет!", - деп қуанышын бөліскен еді Ерке Есмахан. Ал содан бері Желіде әншінің композициясын орындаған қазақстандықтардың видеолары тарап жатыр.