+7 (777) 001 44 99
Қазақша
Русский
English
15 наурыз 2022 | 10:52
Гүлзира Айдарбекова жаңа келінін таныстырды
Танымал продюсер Гүлзира Айдарбекова кенже ұлын үйлендіргелі жатыр. Ол бұл туралы Instagram-парақшасында жариялады, - деп хабарлайды Tengrinews.kz тілшісі.
ПОДЕЛИТЬСЯ
Танымал продюсер Гүлзира Айдарбекова кенже ұлын үйлендіргелі жатыр. Ол бұл туралы Instagram-парақшасында жариялады, - деп хабарлайды Tengrinews.kz тілшісі.
Продюсер қыздың қолын сұрап барғанда орындалатын барлық салт-дәстүр сақталғанын айтып, жаңа келінімен, құда-құдағиларымен бірге түскен суреттерін жариялады.
"Құрметті оқырмандарым, ең кіші ұлымыз @alzabi_live тобындағы Заңғар баламыз Жібек екеуі бір-бірін қалап, сырға салу, есік ашу, құда түсу, ата-баба салтымен барлық рәсімі жасалып, 2-3 күннен бері тынбай жатырмыз. Алла жамандықтан емес, жақсылықтан шаршатқаннан артық бақыт жоқ шығар. Ең бастысы, келініміз адалынан болсын! Сіздер де жастарға бақыт тілеп қойсаңыздар нұр үстіне нұр!" - деп жазды ол желіде.
Сүйінші сұраған продюсердің жазбасына оқырмандары түрлі тілек-пікірлерін жазған:
Құтты болсын, Гүлекееее!
Қызыңыздай болсын! Судай сіңіп, тастай батсын.
Жастар бақытты болсын! Алланың нұры жаусын, көбейіп өсіп-өнсін.
Құтты болсын! Келініңіз сұлу екен, жүзіктің көзінен өткендей, көз тимесін! Бізге де жұғысты болсын. Алла тек жақсылығын берсін, бақытты болсын!
Жастар бақытты болсын, бақытты болам демей, осы əулетті бақытты қылам деп келсін, жас келін.
Қазақ еліне +бір отбасы. Бақытты болсын.
Кейінгі кезде әнші ретінде танылған Заңғардың өзі де желіге сүйіктісіне ұсыныс жасаған кездің, сырға салу, құдалық секілді маңызды сәттердің видео-суреттерін жүктеді.
Белгісіз біреу концертте Қайрат Нұртастың мың долларлық көзілдірігін шешіп алған
Еске салайық, бұған дейін Гүлзира Айдарбекова Қайрат пен Жұлдыздың арасында не болғанын айтып берген еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
