+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Танымал актриса Дариға Бадықова сахнада ұятқа қалған "Ирина Кайратовна" тобының мүшелері мен Szhiza - Асхат Жолшиевті сынап тастады, - деп хабарлайды Tengrinews.kz тілшісі.
Танымал актриса Дариға Бадықова сахнада ұятқа қалған "Ирина Кайратовна" тобының мүшелері мен Szhiza - Асхат Жолшиевті сынап тастады, - деп хабарлайды Tengrinews.kz тілшісі.
Концертте болған оқиға туралы ойын актриса Instagram-парақшасында айтты.
"Мен мына видеоны көріп, таңғалдым. Мынау жеткен жеріміз бе, қалай? Сахнада ішу, дұрыс па? Әлде көрерменнің деңгейі сондай ма? (...) Оны хит қылатын көрермен ғой.
Кей адамдар мен сыйлауымнан кетіп қалды. Мен кей адамдарды сыйлайтынмын. Бүгін осы "Ирина" үшін біраз адамдармен әңгіме болды. Ол адамдар менің тізімімнен жойылып кетті, болды. Бріміз пендеміз, қателесеміз, жаңылысамыз, арасында болады, иә. Бірақ сахнада емес. Сахнаның киесі болуы керек. Концертке келген қаншама дүйім жұрт бар. Жігіттер, ұят нәрсе мынау", - деді актриса.
Еске салайық, 25 мамырда Алматыдағы Балуан Шолақ атындағы спорт сарайында "Ирина Кайратовна" мен Shiza-ның концерті өткен болатын. Кейінірек Желі қолданушылары "Ирина Кайратовна" тобының мүшесі Азамат Маркленов пен Асхат Жолшиевтің сахнадағы әрекетін сынады. Әншілер сахнада боғауыз сөз де айтып кеткен. Ал әнші Асхат Жолшиев Қазақстанның туын адамдарға лақтырып жіберген.
Артынша Мемлекеттік хатшы Ерлан Қарин Алматыдағы концерт туралы айтты. Қарин мұндай ауқымды іс-шараларды ұйымдастырушылар да жауапкершілікті сезінуі керегін атап өтті.
"Олар концерт ұйымдастырған кезде ішімдік ішілуіне жол бермеуге, басқа да оқыс оқиғалардың алдын алуға тиіс. Біз мемлекеттілігіміздің, Тәуелсіздігіміздің символы саналатын Мемлекеттік туға зор құрметпен қарауымыз қажет. Оны аяқасты етуге жол бермеуіміз керек. Туымызды немесе басқа да рәміздерімізді қорлаған әрекеттер құқықтық-нормативтік актілерге сәйкес жауапкершілікке тартылады. Себебі, заң баршаға ортақ. Еліміздің әрбір азаматы Мемлекеттік туды құрметтеп, қастер тұтуы қажет деп санаймын", - деді Ерлан Қарин.
Кейіннен "Ирина Кайратовна" тобының мүшесі Азамат Маркленов Алматыдағы концерттегі әрекеті үшін қазақстандықтардан кешірім сұрады.
"Мойындаймын. Бұл менен кеткен үлкен қате. Бұл мен үшін үлкен сабақ. Ендігі қайталанбайды деп уәде беремін сіздерге. Себебі біздің концерттерге тек жастар емес, жасөспірімдер, кішкентай баласымен келетін жанұялар бар. Сондықтан баршаңыздан кешірім сұраймын", - деді Азамат Маркленов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
