Коронавирус жұқтырған Том Хэнкс жағдайын айтты

Коронавирус жұқтырған Голливуд актері Том Хэнкс Twitter желісіндегі парақшасында жағдайы туралы жазды , - деп хабарлайды Tengrinews.kz тілшісі.

"Сәлем, достар. Рита Уилсон (актердің әйелі) екеуміз бізге қамқор болып жатқандардың барлығына алғыс айтамыз. Бізде Covid-19 анықталды, вирус жұғып кетпеуі үшін бізді оқшаулады", - деп жазды актер.

Оның айтуынша, вируспен күресу кезінде сарапшылар мен дәрігерлердің кеңесін тыңдау қажет.

pic.twitter.com/N80c1tSSxE

Еске салайық, мұның алдында Том Хэнкс пен оның әйелінің коронавирус жұқтырғаны хабарланған еді. Ал кейінірек Том Хэнкстің ұлы коронавирус жұқтырған ата-анасының жағдайы туралы айтып берген болатын. 

Қазақстан жаңалықтары. Соңғы жаңалықтар. Telegram желісінде бізге жазыл!