+7 (777) 001 44 99
Қазақша
Русский
English
Мексика өз қатысушысын "Әлем Аруы" байқауына жіберуден бас тартты, оған сұлулық байқауының құқық иесі Дональд Трамптың жасаған мәлімдемесі сеп болды, бұл туралы байқаудың Мексикадағы директоры әрі "Әлем аруы-1991" басшысы Лупита Джонс өзінің Twitter желісіндегі парақшасында жазды.
Ұлттық сұлулық байқауының ұйымдастырушысы Джонс Трамптың кез келген жобасына қатыспайтынын хабарлады. Бұған миллиардердің 2016 жылы АҚШ-тың президенттігіне сайлауға түсуге ниетті екені туралы жасаған мәлімдемесі себеп болды. Бизнесмен ол кезде мексикалық босқындарды қылмыскерлер және зорлықшылар деп атады. Оның айтуынша, Мексика АҚШ-қа дұрыс адамдарын жібермейді, "проблемасы көптерді жібереді. Олар мұнда есірткі мен қылмыс әкеледі", - деді ол.
"Әлем Аруы - бұл ұлы тарихы бар әлемдік байқау, ол бірлік пен достықты ең басты деп санайтын елдерді мәдени тосқауылдардан өтіп, қатысуға шақырады. Бұл масқара, біз оның нәсілшілдік пікіріне бола байқаудан және көп жылдан бері ұлт арасындағы бейбітшілік пен үйлесімді бейнелеп тұрған атмосферадан тысқары қаламыз, сондықтан біз Televisa мәлімдемесіне байланысты "Әлем аруына" қатыспаймыз", - деп жазды Джонс.
Трамптың мәлімдемесі мексикалықтар арасында аса зор наразылық тудырды. Американың испан тілінде хабар тарататын Univision телеарнасы "Әлем аруы" байқауын көрсетуден бас тартты. Осыдан кейін Дональд Трамп байқауды тарату туралы келісімшарттың бұзылуына байланысты телеарнаның үстінен 500 миллион долларға талап арыз түсірді.
