Мейрамбек Бесбаев сыныптастарымен араға 25 жыл салып кездесті

18 Маусым 2018, 09:36

Атақты қазақстандық әнші, "Музарт" тобының мүшесі Мейрамбек Бесбаевтың мектеп бітергеніне 25 жыл толды. Ол кездесудегі суреттерді Instagram желісіндегі парақшасында жариялады.

Осыдан бірер күн бұрын әнші туған жеріне барып, мұғалімдерімен, сыныптастарымен кездескен. Бесбаев Тараздағы мектепті бітірген. Әнші салтанатты кеш құрметіне дайындалған медальді көрсетті.

Бұл кешке ол жұбайымен бірге келіпті. Кездесуде құттықтаулар мен ізгі тілектер айтылды.

2000 жылдардың басында Сәкен Майғазиев және Мақсат Базарбаевпен бірге "Музарт" триосында өнер көрсете бастаған Мейрамбек Бесбаев танымалдыққа ие бола бастады. Топтың репартуарына эстрада мен халық әндері бар. Топ өзінің гастрольдік сапарымен Қазақстанның барлық қаласын шарлап үлгерді.