+7 (777) 001 44 99
Қазақша
Русский
English
Халыққа тегін өнер көрсетіп жүрген әнші Серікбол Сайлаубектің Есік қаласында берген концертінде өрт шықты, - деп хабарлайды Вaistars.kz әншінің PR-менеджері Ринат Тәттібайға сілтеме жасап.
Тәттібайдың айтуынша, өрт отшашудың кесірінен шыққан.
"Серікбол 24 шілде күні Есік қаласының орталық алаңында тегін концерт берген болатын. Оның әрбір кешінен соң міндетті түрде отшашу атылады. Сол күні отшашу дұрыс атылмай, алаң жанындағы бір үйдің шөп жиналған қорасына түсіп кетіп, өрт шыққан. Бірақ барлығы дер кезінде өшіріп үлгерді. Алла сақтап, зардап шеккен адам жоқ", - дейді ол.
Отшашуға Серікболдың Шыңғыс деген інісі жауапты болыпты. Үй иесі түсініп, ұйымдастырушыларды кешірді.
"Осы оқиғадан кейін Серікбол қатты қорқып қалғанын және кеш берудің оңай емес екенін айтып отыр. Бұл оның гастрольдік сапар кезіндегі екінші сәтсіз оқиғасы болды. Осының алдында Топар ауылында болған концерттен кейін әріптестері ұмытып кетіп, түнде 30 шақырым жерді жаяу жүруіне тура келді. Олар әрбір кештен соң уақыттың тығыздығына байланысты асығып, тездетіп шығуға тырысады", - деді Тәттібай.
Оның сөзіне қарағанда, әнші мұндай жағдайлардың болуына қарамастан жылдың соңына дейін елімізді аралап шығуды жоспарлап отыр.
