+7 (777) 001 44 99
Қазақша
Русский
English
Алматыдағы концертте басы дауға қалған әнші Shiza - Асхат Жолшиев жасаған әрекеті үшін рэп арқылы кешірім сұрады, - деп хабарлайды Tengrinews.kz тілшісі.
"Не болғанын түсіндірейін адамша,
Видеомен емес, өлең арқылы оданша.
Мен - қазақпын, руым - Алтыбас, Қыпшақ,
Мен қазақпын соңғы демім қалғанша,
Руыммен емес, ұлтыммен мақтанамын.
Көк туды айтар кезде туды таптамадым
Туды лақтырмадым да, артық қыламын деп тыртық болды.
Шықтым сахнаға, жардым танцполды
Менімен жақын таныс бол, бауырым
Түсіндіріп берем
"Біреудің қымбат туы" дегенді
Ту ортақ, ол белгілі
Бірақ туды заттай алсақ менікі емес
Сонда жүрген біреудікі
Сондықтан да мен айттым "біреудікі"
Көрерменге бергім келді табыстап
Оянып кетті сенің өтірік намыстарың
Ойымды жеткізе алмадым мен дұрыстап
Мойындаймын, ішіп алдым мен мал ұқсап
Егер де артық кетсем айып етпеңдер басқа тиді
Сахнада көрмейсіңдер мас күйде енді мені
Просто көрерменге бергім келді табыстап", - дейді әнші.
Посмотреть эту публикацию в Instagram
Асхат Жолшиевтің бұл әрекетін оқырмандары қолдаған. Асхаттың жазбасына 2 мыңға жуық пікір жазылған.
"Кешірім сұраудың жаңа деңгейі", "Жұмыс істемейтін адам қателеспейді. Жарайсың. Сонда да сені тыңдаймын. Әдейі істемегенің көрініп тұр ғой. Псевдо-патриоттар бәрін ушықтырып жіберді", "Сүрінгенді соққан ұят болды, істеген жақсылығыңа қарамай, бірақ сенікі де қате болды. "Семіргенді қой көтерер" демекші. Сүрінсең де, тұр әрі қарай жүр, тек алға, Асхат", - дейді әшінің оқырмандары.
Еске салайық, 25 мамырда Алматыдағы Балуан Шолақ атындағы спорт сарайында "Ирина Кайратовна" мен Shiza-ның концерті өткен болатын. Кейінірек Желі қолданушылары "Ирина Кайратовна" тобының мүшесі Азамат Маркленов пен Асхат Жолшиевтің сахнадағы әрекетін сынады. Әншілер сахнада боғауыз сөз де айтып кеткен. Ал әнші Асхат Жолшиев Қазақстанның Туын адамдарға лақтырып жіберген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
