+7 (777) 001 44 99
Қазақша
Русский
English
Әлеуметтік желіде әнші Төреғали Төреәлінің Тараз қаласында кондуктор болып жүрген видеосы жария болды, - деп хабарлайды Tengrinews.kz тілшісі.
Видеода әнші автобустан кондукторлар киетін киіммен шығып, адамдарды бағыт жолдарынан құлағдар ете бастайды. Осыған дейін отандық БАҚ-тар оның Таразда өтетін шоу концертіне түсірілім жұмыстарында жүр деп те хабар таратты. Әлеуметтік желі қолданушылары кадрдағы ер адамның Төреғали Төреәлі емес екенін де айтты. Алайда әншінің директоры Фариза Спандиярдың айтуынша, бұл "Қазақстан" ұлттық арнасымен бірігіп түсіріп жатқан "Ұлы дала баласы" атты реалити-шоудың түсірілімдері екен. Директорының айтуынша, реалити-шоу таяу уақытта осы арнадан көрсетіледі. Алайда ол жаңа бағдарламаның не жайлы болатыны жайлы толығырақ мәліметті беруден бас тартты.
