+7 (777) 001 44 99
Қазақша
Русский
English
"Барыс" Шығыс конференциясының көшбасшысы "Автомобилисті" ұтты, - деп хабарлайды Tengrinews.kz тілшісі Vesti.kz басылымына сілтеме жасап.
Астанадағы ойын 2:0 есебімен аяқталды. Матчтағы бірінші шайбаны америкалық легионер Энтони Луис салса, Аркадий Шестаков екінші голдың авторы атанды.
Осылайша, қатарынан төрт кездесуде ұпайдан шашау шығармай келе жатқан Екатеринбургтің командасы "Барыс Аренада" жеңілістің кермек дәмін татты.
Дей тұрғанмен, ресейліктер 13 ұпаймен Шығыс конференциясының көшін бастап тұр. Ал 9 ұпай еншілеген Скабелка шәкірттері турнир кестесінде бесінші орынға дейін көтерілді.
Енді елордалықтар ҚХЛ-да қатарынан үш ойынды сырт айдында өткізеді. Атап айтқанда "Северсталь" (24 қыркүйек), "Локомотив" (26 қыркүйек) және "Спартак" (28 қыркүйек) клубтарына қарсы матчтары бар.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
