Дастин Порье Конор МакГрегорді жеңді

Америкалық Дастин Порье ирландиялық Конор МакГрегорді реваншта жеңді. Кездесу Әбі-Дабиде (БАӘ)  UFC 257 турнирі аясында өтті, - деп хабарлайды Tengrinews.kz тілшісі Vesti.kz-ке сілтеме жасап.

Бұл олардың екінші жекпе-жегі болатын. Алғашқы кездесуі 2014 жылы өтіп, онда МакГрегор бірінші раундта жеңген еді.

Осы кездесудің бірінші раундында олар бір-біріне ауыр соққа жасады. Екіншісінде Порье қатты шабуыл жасағандықтан рефери кездесуді тоқтатты.  

Ирландиялық осымен ММА-де бесінші рет жеңілді. Алайда ол 22 рет жеңген. Ал Порье карьерасында 27-рет жеңіп отыр, ол алты рет жеңілген.

Айта кетейік, бұл турнирде қазақстандық Жалғас Жұмағұлов жеңіліп қалды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!