+7 (777) 001 44 99
Қазақша
Русский
English
Жансая Әбдімәлік Pivotal Pawns үнді клубының құрамында шахматтан Chess Super League 2021 турнирінің жеңімпазы атанды, - деп хабарлайды Tengrinews.kz тілшісі Vesti.kz сайтына сілтеме жасап.
Жансая Әбдімәліктің командасы - Pivotal Pawns турнир финалына дейін өздеріне сенімді болды, турнирге қатысушылар жеті күн ішінде анықталды. Қазақстан өз клубының жетістігіне үлкен үлес қосты, жартылай финалда екі партия ойнап, екеуін де өз пайдасына аяқтады.
Жансаяның командасына қарсы Тhe Kingslayers тобының шахматшылары ойнады. Ойын екі матчтың қорытындысы бойынша шешілуі керек еді. Алайда негізгі раундта лиганың жеңімпазын анықтау мүмкін болмады. Бірінші ойын 3,5:2,5 есебімен Әбдімәлік командасының пайдасына шешілді. Екінші кездесу қарсыластың есебіне тең келді - 3,5:2,5.
Жеребе бойынша Рivotal Pawns-тен Жансая Әбдімәлік отырды. The Kingslayers-тен шешуші партияны Еуропа чемпионы Нана Дзагнидзе ойнады. Жансаяға қара фигуралар түсті. Оған шешуге төрт минут уақыт берілді, ал Дзагнидзеде бес минут болды. Бұл жағдайда тек жеңіс қажет. Нәтижесінде, тең ойын болды.
Қазақстандық шахматшы төрт шахмат олимпиадасының қатысушысын жеңіп, өз клубына Үнді лигасында жеңіс әкелді.
Кездесуді 20 мыңнан астам адам тікелей эфирде бақылады. Қатысушылар құрамы бойынша турнир өте қызық болды. Ойынға Хикару Накамура, Сергей Карякин, Аниш Гири, Динг Лирен, Темур Раджабов, Хоу Ифань, Хэмпи Конеру, Александра Костенюк, Мария және Анна Музычук, Харика Дронавалли, Нана Дзагнидзе сияқты шеберлер қатысты.
Еске салайық, маусымда Жансая Әбдімәлік халықаралық шахмат федерациясының Гибралтардағы Гран-при турнирінің төртінші кезеңінің жеңімпазы атанған. Бұл жетістікпен қазақстандық шахматшыны Президент Қасым-Жомарт Тоқаев құттықтаған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
